தவளை சாமி – அருண் கார்த்திக்

பைம்பொழில் என்று ஒரு சின்ன கிராமம் இருந்தது. அந்த கிராமத்தில் சிவக்கொழுந்து என்று ஒரு விவசாயி இருந்தார், அவர் கிராமத்திலுள்ள‌ எல்லோருக்கும் நெல்,காய்கறி என உணவு பயிர்களை விளைவித்து கொடுத்தார்.ஊர் மக்களை பசி இல்லாமல் பார்த்துக் கொண்டார், ஊர் மக்களும் அவரை நன்றாக வைத்துக்கொண்டனர். இப்படி நன்றாக அவரது வாழ்கை சென்றது,அப்பொழுது திடீரென‌ ஒரு கோடையில் வெப்பம் ரொம்ப ரொம்ப‌ அதிகமானது, அப்பொழுது விளைந்த‌  தக்காளியெல்லாம் சீக்கிரமே அழுகி போய்விட்டது.சிவக்கொழுந்து என்ன செய்வதென்று தெரியாமல் மிகவும் கவலை அடைந்தார்.தக்காளியை பார்க்கும் பொழுதெல்லாம் அழுதார்.அவர் அழுவதை பார்த்து மக்கள் ஆறுதல் சொல்லினர்.

என்ன தான் ஊர் மக்கள் சிவக்கொழுந்துக்கு ஆறுதல் சொன்னாலும் , தக்காளி இல்லாமல் என்ன செய்வது என்று தெரியாமல் அவர்களும் மிகவும் வருத்தப்பட்டனர்.அப்பொழுது ஒரு மூட்டை தவளையுடன் ஊருக்குள் ஒருவர் வந்தார்.”யாரடா அது நம்மூருக்குள்ள புதுசா ஒரு ஆளு வரது” என்று ஊர் மக்கள் தங்களுக்குள் பேசிக்கொண்டிருக்கும் பொழுது .அந்த மனிதர் ஊர் கோயிலருகிலுள்ள ஆலமரத்தடியில் கண்களை மூடி அமர்ந்தார்.

சிறிது நேரத்தில் மக்கள் அனைவரும் அங்கே கூடினர்.அந்த மனிதர் கண்களை திறந்து , மூட்டையிலிருந்து ஒரே ஒரு தவளையை மட்டும‌ எடுத்து வெளியே வைத்தார்.அதனிடம் ஏதோ பேசினார் ,அதுவும் “கிர்ர்.கிர்ர்” என்று கத்தியது.உடனே கூடியிருந்த மக்களிடம் “ஊருக்கு தண்ணி பாம்போட சாபம் இருக்கு,அதுனால தான் தக்காளியெல்லாம் அழுகி போய்டுச்சு.இதை நான் சரி செய்யவே வந்திருக்கிறேன்” என்றார்.அதற்கு நான் கொஞ்ச நாட்கள் தங்க வேண்டும் என்றார்.

அவர் சாமியார் போன்று தோற்றம் இருந்ததால் மக்கள் அவரது பேச்சினை நம்பத்துவங்கினர்.அவரை ஊரில் தங்க வைத்தனர்.அவரை “தவளைச் சாமி” என்று அன்புடன் அழைத்தனர்.வெப்பம் அதிகமானது தான் காரணம் என்று சிவக்கொழுந்து மக்களிடம் எவ்வளவோ சொல்லியும் யாரும் காதில் வாங்கவேயில்லை.தவளை சாமியாருக்கு வேண்டியதையெல்லாம் மக்கள் செய்தனர்.சிறிது நாட்கள் கழித்து அனைவரையும் அழைத்தார் சாமியார்.

“உங்க ஊரிலுள்ள தண்ணி பாம்பு சாபத்திற்கு முக்கிய காரணம் சிவகொழுந்து தான், அவன்ட இருக்கிற எல்லா விதைகளையும் முதலில் இங்க கொண்டு வாங்க” என்றார்.”இனி அவனிடமிருந்து எதையும் வாங்க கூடாது” என்றார்.மக்களும் சாமியார் சொல்வதை நம்பினர்.சிவகொழுந்தை ஊரைவிட்டு ஒதுக்கிவைத்தனர்,அவனிடமிருந்த தக்காளி விதைகளையெல்லாம் பிடிங்கிக்கொண்டனர். யாருக்கும் தெரியாமல் கொஞ்ச விதைகளை மட்டும் எடுத்துக் கொண்டு சிவக்கொழுந்து வேறு வழியின்றி ஊரை விட்டு சென்றுவிட்டான். அவனிட‌மிருந்து பிடுங்கிய விதைகளை சாமியாரிடம் தந்தனர்.

அந்த விதைகளின் மீது தவளை தோலால் செய்த சாயத்தை பூசி மக்களிடம் தந்தார்.தண்ணி சாபத்தை நீக்கிவிட்டதாக சொன்னார்.மக்கள் அந்த விதைகளை கொண்டு தக்காளியை விளைவித்தனர்.தக்காளி அமோகமாக விளைந்தது,3 வாரம் ஆகியும் அழுகவேயில்லை , அதுமட்டுமில்லாமல் தக்காளி முன்பை விட பெரிதாகவும் இருந்தது.அவர்களுக்கு இரட்டிப்பு லாபமும் கிடைத்தது.மக்கள் தவளை சாமியாரை தெய்வமாக கொண்டாடினர்.சிறிது நாட்கள் கழித்து தக்காளியைப் போன்று மற்ற காய்கறிகளையும் இதுபோன்று சாபம் நீக்க வேண்டும் என்று சாமியார் சொன்னார்.மக்களும் அவருக்கு வேண்டியதை செய்வதாக வாக்கு கொடுத்தனர்.

“இந்த சாபத்தை நீக்க தவளை தோலால் செய்த சாயம் வேண்டும், நான் கொண்டுவந்த தவளைகள் அனைத்தும் தக்காளிக்கே தீர்ந்துவிட்டது.ஆதலால் இந்த ஊரிலுள்ள குளம்,ஏரி,ஆற்றை எனக்கு நீங்கள் தர வேண்டும்” என்றார்.அவரை கடவுளாக நம்பிய மக்களும் அப்படியே செய்தனர்.தவளைகள் அனைத்தையும் பிடித்து விதைகளுக்கெல்லாம் சாயம் செய்து கொடுத்தார்.சாமியாரின் புகழ் அக்கம் பக்க ஊருக்கெல்லாம் பரவியது.அனைவருக்கும் சாயம் பூசிய விதைகளை செய்துக் கொடுத்தார்.

ஆனால் சிறிது நாட்களில் தவளைகளே இல்லாமல் போனது , தவளைகள் இல்லாமல் போனதால் கொசு,பூச்சிகள் அனைத்தும் ஊரில் பெருகி ஊர் மக்களுக்கு காய்ச்சல் வந்தது.தவளை சாயம் பூசிய காய்கறிகளை சாப்பிட்டதால் ஊருக்குள் புதுப்புது நோய்களும் உருவாகின.

தவளை சாமி ஊரிலுள்ள நீரையும்,சாயம் பூசிய விதையையும் விற்று நிறைய சம்பாதித்தார்.சம்பாதித்த பணத்தையெல்லாம் எடுத்துக்கொண்டு ஒரு நாள் கப்பல் ஏறி சென்றுவிட்டார்.

சாமியார் இமைய மலை சென்றிருக்கிறார் , மீண்டும் வருவார் என்று நம்பிக்கொண்டு மக்கள் சாயம் பூசிய விதைகளை இன்றும் விளைவித்து நோயுடன் வாழ்ந்துக்கொண்டிருக்கின்றனர்.மக்களின் நம்பிகையின் படி அவர்களை காப்பாற்ற மீண்டும் சாமியார் வருவாரா?  அல்லது மக்களின் அறியாமையை போட்க சிவகொழுந்து வருவாரா ?

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s