பஞ்சுமிட்டாய் அறிமுகம் – என்.சொக்கன்

DSC_7678.JPG

அந்த அறைமுழுக்கக் குழந்தைகள், இன்னும் சொற்களைச் சரியாக உச்சரிக்க/கோக்கப்பழகாத மழலையர், தத்தக்கா புத்தக்கா என்று நடக்கும் சிறுபிள்ளைகளில் தொடங்கி கோட்,சூட்போட்ட பெரியபிள்ளைகள்வரை அங்கே குழுமியிருந்தார்கள். எல்லார்முகத்திலும் பேராவல்.

சிறிதுநேரத்தில், நிகழ்ச்சி தொடங்கியது. கலகலப்பான தவளைப்பாட்டில் ஆரம்பித்தார்கள், பிறகு கொத்துபரோட்டா சாப்பிட்ட யானை வந்தது, பச்சை, மஞ்சள், சிவப்பு என்று விதவிதமாக நிறம்மாறும் வால்கொண்ட சிங்கம் வந்தது, மடிக்கணினி வேண்டாம், தொலைக்காட்சி வேண்டாம், விதைகளே போதும் என்று வரம் கேட்கும் சிறுவர்கள் வந்தார்கள், மழையைப்பற்றிக் கொண்டாடும் பாடலொன்று வந்தது… அனைத்திலும் சிறுவர்கள் ஆவலுடன் பங்கேற்றார்கள், பலர் தாங்களே கதைசொன்னார்கள், பிரமாதமான கற்பனைவளத்தோடு கதைசொன்னார்கள், குறும்பான புத்திசாலிக் கேள்விகளைக் கேட்டார்கள்.

குறிப்பாக, இத்துணை நேர்த்தியாகத் தமிழ்பேசும் குழந்தைகளை நான் பெங்களூரில் அதிகம் கண்டதே இல்லை. கதைசொல்லும்போது எப்போதாவதுதான் ஆங்கிலம் பயன்படுத்தினார்கள், மற்றபடி பெரும்பகுதி தமிழிலேயேதான் அழகாகப் பேசினார்கள்.

இத்தனைக்கும் அங்கே வந்திருந்த எல்லாரும் தமிழர்கள் அல்லர். மேடையில் அபாரமாகத் தமிழில் கதைசொன்ன ஒரு சிறுவன், இடைவேளையின்போது தன் தந்தையிடம் சரளமாகத் தெலுங்கில் பேசிக்கொண்டிருந்தான். இன்னொரு சிறுவன் புலியை ‘ஹுலி’ (கன்னடச்சொல்) என்றழைத்தான், ஆனால் அவன்சொன்ன கதை முழுக்கமுழுக்கத் தமிழிலேயே இருந்தது.

இந்நிகழ்ச்சிக்குச் சிறப்புவிருந்தினராக வந்திருந்த எழுத்தாளர் பாவண்ணன் அருமையாகப் பேசினார், ஒரு யானைக்கதை சொன்னார். நானும் வா. மணிகண்டனும் சில நிமிடங்கள் பேசினோம், இந்தச் சிறு பகுதிகளைத்தவிர, மொத்த நிகழ்ச்சியும் சிறுவர்களால்தான் வழிநடத்தப்பட்டது.

சிறுவர்கள் இந்நிகழ்ச்சியை எப்படிக் கொண்டாடினார்கள் என்பதற்கு ஒரு சான்று: நிகழ்ச்சி நிறைவடைந்தபிறகு, அமைப்பாளர் ஒருவரிடம் வந்தான் ஒரு சிறுவன், ‘அங்கிள், அடுத்த நிகழ்ச்சி எப்போ?’ என்றான்.

‘நாளைக்கே வெச்சுக்கலாமா?’ என்று அவன் கன்னத்தைச் செல்லமாகத் தட்டினார் அவர்.

‘ஓ!’ என்றபோது அவன் முகத்தில்தான் எத்துணை மகிழ்ச்சி!

பின்குறிப்புகள்:

1. ‘பஞ்சுமிட்டாய்’ என்ற பெயரில் ஒரு சிறுவர் இதழும் நிகழ்ச்சியில் வெளியிடப்பட்டது. குழந்தைகளே எழுதி, வரைந்து வெளியிடும் இந்த இதழில் கதைகள், பாடல்கள், புதிர்கள் என்று எல்லாம் உண்டு. மிகவும் அக்கறையுடன் தயாரிக்கப்பட்டுள்ள இந்த இதழை இணையத்தில் இலவசமாகவே படிக்கலாம்:

logo_design_final

2. பெங்களூரில் உள்ள தமிழ்க்குழந்தைகளை இந்த மாதாந்திர நிகழ்ச்சிக்கு அழைத்துச்செல்லுங்கள். மேலும் விவரங்களுக்கு இந்த மின்னஞ்சலுக்கு எழுதுங்கள்: pravaham2016@gmail.com

 

DSC_7697.JPG

அன்புடன்,
என்.சொக்கன்

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s