கொசு கடிச்சிச்சு – சுட்டி தன்யஸ்ரீ

ஒரு ஊர்ல ஒரு குட்டிப் பாப்பா இருந்தாளாம்.அவளை கொசு ஒன்னு கடிச்சிச்சாம். கொசு கடிச்சதுல இரத்தம் கூட வந்திடிச்சு.Mosquito

பாப்பா ரொம்ப அழ ஆரம்பிச்சிட்டாள்.உடனே பக்கத்துல இருந்த சிங்கமும் புலியும் அவள்ட வந்து.அழாதே பாப்பா ,

நாங்க உன்னை கடிக்கல , அந்தக் கொசு தான் கடிச்சதுன்னு சொன்னாங்களாம்.அப்படியும் பாப்பா அழுகைய நிறுத்தவேயில்லை. tigerlion

 

 

 

 

 

 

உடனே புலி , கொசுக்கு ஃபோன் செஞ்சிதாம்.”ஏய் கொசு , ஏன் பாப்பாவை கடிச்ச?ஹ்ம்ம்..இனிமே அப்படி செய்யக் கூடாது..புரியுதா”ன்னு சொல்லிச்சாம்.

ele

யானை,கரடி,தவக்களை எல்லாம் வந்து;”பாப்பா,அழாதே..உனக்கு ஒன்னுமில்ல,எல்லா சரியாடு”ம்னு சொன்னாங்க.அப்புறம் அவளுக்கு சரியாடிச்சு.

கொசுவும் வந்து சாரி கேட்டுடிச்சு.

baby  mq2

பஞ்சுமிட்டாய் அறிமுகம் – 2

நன்றி க்ருத்திகாதரன் (க்ருத்திகா தனது முகநூல் பக்கத்தில் வெளியிட்டது)

எல்லாருக்கும் ஒரு மாதிரி என்றால் எனக்கு எப்பவும் வாழ்வு ஏதாவது வித்தியாசமாய், சுவையாய் தட்டில் வைத்து காத்திருக்கும். இணையம் மூலம் நடக்கும் வாழ்வின் திருப்பங்கள் மிக அழகானவை.

ஒரு திறந்தவெளி புத்தக வெளியீடு. எழுதியவர்கள்தான் வாசகர்களும்.

அந்த எழுத்தாளர்கள் பலருக்கு வயது மிகக் குறைவு.

ஆம் குட்டிஸ்க்கு குட்டிஸ்களால் தயாரித்த புத்தகம் வெளியீடு. வெற்றிகரமாக பதினெட்டாவது கதை சொல்லல் நிகழ்வு. இதன் சாத்தியம் அத்தனை எளிதில்லை

இருபது வருடமாக இருந்தும் இன்னும் ஒரு தமிழ் குழுவைக் கூட ஏற்படுத்தவில்லை என இவரை பார்த்தப்பொழுது எனக்கு சிறு குற்றஉணர்வு.

தமிழ் குழந்தைகளை வண்டி ரிஜிஸ்டர் எண்ணேல்லாம் பார்த்து இணைத்து இருக்கிறார். இலக்கிய கூட்டத்துக்கு இருபது பேருக்கு மேல் வராத ஊரில் இத்தனைப் பேரை தமிழால் இணைத்து இருப்பது பெரிய செயல் .

கதை சொல்லல் என்றவுடன் என் அபார்ட்மென்ட் சில தமிழ்வாசிகள் ஆங்கிலத்தில் வையேன்..என் குழந்தைக்கு தமிழ் புரியாதே என்றார்கள்

பெங்களுரில் பல தமிழ் குழந்தைகளின் நிலை இதான். இதை மாற்ற பிரபு, ராஜேஷ் மற்றும் அவர்களின் நண்பர்கள் செய்யும் தொடர் செயல்கள் பெரிது.

இவர்களுடன் இணைய இணையம் கொடுத்த வாய்ப்பு எனக்கு அதிர்ஷ்டம்.

முதல் இதழே வித்தியாசமாய்..குழந்தைகளை ஒரு நிகழ்வில் மந்திர பேனா கொடுத்து படம் வரைய செய்து..அதற்கு கதை சொல்லி அதை இதழில் வெளியிட்டு..

சில கதைகளும் சமூக நோக்கோடு..எடுத்துக்காட்டாக நூடுல்ஸ்,பிசா கெடுதல்கள், ஓசோன் ஓட்டை அவர்களை பார்க்கவே பிரமிப்பாக இருந்தது.

குழந்தைகளை வைத்துகொண்டு எந்த இலக்கிய கூட்டமும் செல்ல முடியாது..ஆனால் சிறுவர் இலக்கியம் பேசலாம். அப்படி பேச வாய்ப்பு தந்த இளைய தலைமுறையினர்..

வாழ்த்துகளும்,,மனம் நிறை அன்பும்.

நான் சொன்னது இந்த முறை அத்திரிப்பாச்சா கொழுக்கட்டை கதை.. இன்னும் கதைகளை சுவராசியமாக சொல்ல நிகழ்வுகள் தூண்டுகிறது.

நான் முதல் முதலில் வெளியிட்ட இதழ்.

சிறு சிறுவர் இதழான பஞ்சுமிட்டாய் இங்கு இணைய வாசிகளுக்கும்.

பஞ்சுமிட்டாய் சிறுவர் இதழ் – 2

இது எங்களது இரண்டாவது இதழ்.இந்த முறை சுட்டிஸ்களுக்காக “பஞ்சுமிட்டாய்” என்று பெயரை சூடியுள்ளோம்.இதில் சிறுவர்கள் சொன்ன கதைகள் , சிறுவர்கள் வரைந்த ஓவியங்கள் , ஓவியங்களை வைத்து உருவாக்கிய கதைகள் என 22 பக்கங்கள் இருக்கிறது.சுட்டிஸ்கள் வண்ணம் தீட்ட நிறைய படங்களும் உள்ளது.

IMG-20160425-WA0008

பெங்களூரில் சிறுவர்கள் சேர்ந்து வெளியிட அதனை “கொழுக்கட்டை கதை புகழ்” க்ருத்திகாதரன் பெற்றுக்கொண்டார்.உங்கள் வீட்டு சுட்டிஸ்களுக்கு இதனை பகிரவும்,தங்களது கருத்துக்கள் வரவேற்க்கப்படுகின்றன.அதை பதியவும்.

 

பஞ்சுமிட்டாய் சித்திரை சிறப்பு இதழ் (Click to download)

வெளியீடு : 24 ஏப்ரல் 2016

இப்படிக்கு,
பஞ்சுமிட்டாய் ஆசிரியர் குழு.

பஞ்சுமிட்டாய்

பெங்களூரு துபாரஹல்லி என்ற இடத்தில் சில‌ அப்பார்ட்மெண்ட்கள் உள்ளது , அங்குள்ள தமிழ் மக்கள் சேர்ந்து உருவாக்கிய குழு தான் பிரவாகம்.முதலில் இங்குள்ள சிறுவர்களுக்கு கதை சொல்லத் துவங்கினோம் , பின்னர் அதை அடிப்படையாக கொண்டு பஞ்சுமிட்டாய் என்ற சிறுவர் இதழையும்  கொண்டுவந்துள்ளோம்.

இதழ் தொடர்பான பதிவுகள் இங்கு பகிரப்படும்.

நன்றி,
பஞ்சுமிட்டாய் ஆசிரியர் குழு.